ویانا ( محمد اکرم باجوہ) پاکستان کی سابق وزیر اعظم محترمہ بینظیر بھٹو شہید کی آٹھویں برسی کے موقع پر پی پی پی آسٹریا کے صدر ندیم خان کی سربراہی میں مسجد البلال ویانا میں 27 دسمبر بعدازنماز عصرایک دعائیہ تقریب منعقد ہوئی جس میں پی پی پی آسٹریا کے صدر ندیم خان ،سینئر نائب صدر حاجی باوا سید غضنفر علی شاہ ،جنرل سیکرٹری الحاج محمد اکرم باجوہ کے علاوہ پی پی پی کے سینئر کارکنوں اور پاکستانی کمیونٹی نے کثیر تعداد میں شرکت کی ۔مسجد البلال ویانا کے امام حافظ مبشر نے اجتمائی فاتحہ خوانی کرائی اور مرحومہ کے بلند درجات کیلیے خصوصی دعاکی ۔صدر ندیم خان نے میڈیا ویانا جنگ سے دعائیہ تقریب کے موقع پر بات کرتے ہوئے کہا کہ بی بی شہید نے جمہوریت کیلیے جان کی قربانی دی اور کبھی بھی ڈکٹیٹر کا ساتھ نہیں دیا محترمہ آج زندہ ہوتی تو ایشیاء کے حالات مختلف ہوتے۔
