پیرس (زاہد مصطفی اعوان سے) بارسلونا کی نئی میئر آدا کولائو نے بطور میئر پہلے دن ایک مکان سے بیدخلی رکوا دی۔ بارسلونا کی ٹائون کمیٹی نووء باریز میں ہونے والی اس بیدخلی کو رکوانے کیلئے آدا کولائو کے حکم پر کمیٹی انتظامیہ اور بارسلونا کے سماجی مدد کے شعبہ نے درخواست دی تھی۔
آدا کولائو بذات خود کمیٹی کے دفتر گئیں اور نووء باریس کے کونسیخال اور ڈپٹی میئر نمبر چار جانیت سانز کے ہمراہ پریس سے گفتگو بھی کی۔
جانیت سانز نے کل آدا کولائو کو آگاہ کیا تھا کہ ، یہ بیدخلی آج ہو گی۔ اور ان کی کوششوں کے باوجود بیدخلی منسوخ نہیں ہوئی۔ جس پر میئر بلدیہ بذات خود کمیٹی گھر چلی گئیں۔ اور بیدخلی رکوانے کے متعلقہ اداروں سے احکامات جاری کروائے۔
