پاکستانی ہائی کمیشن کے قونصلر سیکشن سے اہم چیز چوری ہوگئی، مگر کسطرح؟
ڈھاکہ (ویب ڈیسک) ترجمان دفتر خارجہ ڈاکٹر محمد فیصل کا کہنا ہے کہ ڈھاکہ میں پاکستانی ہائی کمیشن کے قونصلر سیکشن سے کمپیوٹر چوری کر لیے گئے ہیں، اور ڈکیتی کا معاملہ بنگلہ دیش کے اعلیٰ حکام کے ساتھ اٹھایا گیا ہے۔
تفصیلات کے مطابق بنگلہ دیش پولیس کے پاس واقعے کی ایف آئی آر بھی درج کروائی ہے اور بنگلہ دیشی وزارت خارجہ کو سیکیورٹی مزید بڑھانے کی درخواست دی گئی ہے۔ انہوں نے کہا کہ ڈھاکہ میں پاکستانی ہائی کمیشن انتہائی مصروف اور محفوظ جگہ پر واقع ہے۔ پاکستانی وزارت خارجہ نے اسلام آباد اور ڈھاکہ میں حکام سے شدید احتجاج کیا ہے۔
واضع رہے کہ ترجمان نے مطالبہ کیا کہ بحیثیت میزبان ملک بنگلہ دیش ہائی کمیشن کو سیکیورٹی فراہم کرے، بنگلہ دیشی حکومت تحقیقات کر کے ملزمان کو کٹہرے میں لائے۔
