Ban on offer sacrifice in apron-e-Kabba during Ramadan

مکہ مکرمہ: مطاف یعنی صحن کعبہ میں ویسے تو ہمیشہ ہی رش رہتا ہے تاہم رمضان المبارک میں دنیا بھر سے آئے عمر ہ زائرین کی وجہ سے رش میں بے پناہ اضافہ ہو جاتا ہے مگر اس بار اس رش کو کم سے کم کرنے اور مطاف میں طواف کرنیوالوں کو بڑی مشکل سے بچانے کیلئے گورنر مکہ شہزادہ خالد الفیصل نے صحن کعبہ میں رمضان المبارک کے دوران نوافل ادا کرنے پر پابندی عائد کر دی۔ اس کے علاوہ کسی کو بھی صحن کعبہ میں اپنے طور پر افطاری لے جانے کی اجاز ت نہیں ہو گی۔ رمضان المبارک میں مکہ مکرمہ کے مرکزی علاقے میں مسجد الحرام کے اطراف میں گاڑی پارک کرنے کی اجازت نہیں ہو گی ، اس مقصد کیلئے مکہ مکرمہ میں پارکنگ کیلئے نو مقامات مختص کیے گئے ہیں تاکہ عمرہ زائرین کو ہر طرح کی مشکل سے بچایا جا سکے۔