اسلام آباد: تحریک انصاف کے چیئرمین عمران خان پر تحریک انصاف کی باغی رکن عائشہ گلالئی کے الزامات کے بعد اسپیکر قومی اسمبلی سردار ایاز صادق نے مستقل طور پر خصوصی پارلیمانی کمیٹی برائے اخلاقیات کے قیام کی منظوری دے دی۔
Ayesha Gulalai alleges allegations, Speaker approves 20-member ethical committee
ذرائع کے مطابق 20 رکنی پارلیمانی کمیٹی13حکومتی اور7 اپوزیشن اراکین پر مشتمل ہوگی۔ کمیٹی کا باضابطہ اعلان آئندہ چند دنوں میں ہوجائے گا۔ کمیٹی عمران خان اور عائشہ گلالئی کے معاملے کی تحقیقات کے بعد رپورٹ اسپیکر قومی اسمبلی کو پیش کرے گی۔ کمیٹی مستقبل میں بھی اس قسم کی شکایات دیکھے گی۔ علاوہ ازیں اسپیکر نے پارلیمانی جماعتوں کے رہنماؤں کا اہم مشاورتی اجلاس پارلیمنٹ ہاؤس میں آج طلب کرلیاہے جس میں ایوان کی ایتھکس کمیٹی کے قیام اور اراکین سے متعلق مشاورت کی جائے گی۔ قومی اسمبلی کے اجلاس سے قبل ہونیوالی میٹنگ میں کمیٹی کے دائرہ اختیار پر بھی مشاورت کی جائے گی۔ اسپیکر نے اس سے قبل حکومت اوراپوزیشن سے پارلیمانی کمیٹی کیلیے نام طلب کیے تھے۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
