سابق چیف سیکرٹری اور دیگر اعلیٰ افسروں پر عہدے کا ناجائز استعمال کرنے کے الزامات عائد کئے گئے ہیں
کراچی: سندھ ہائیکورٹ نے زمینوں کی غیرقانونی الاٹمنٹ کیس میں سابق چیف سیکرٹری صدیق میمن اور دیگر کے خلاف 9 اگست تک پیشرفت سےمتعلق رپورٹ طلب کرلی۔ سندھ ہائی کورٹ میں زمینوں کی غیرقانونی الاٹمنٹ کیس کی سماعت ہوئی ۔ موسم گرما میں ملزمان کے وکلا کی چھٹیوں کے باعث سماعت 9 اگست تک ملتوی ہوگئی ۔ عدالت نے سابق چیف سیکرٹری صدیق میمن اور دیگر کے خلاف آئندہ سماعت تک پیشرفت سےمتعلق رپورٹ طلب کرلی ۔ نیب نےسندھ ہائی کورٹ میں جواب جمع کرا رکھا ہے جس میں کیا گیا ہے کہ سابق چیف سیکرٹری ، دیگرافسران نے ناجائز اختیارات استعمال کئے ۔ صدیق میمن ، قادرمیمن،جی ایم سوہاگ کےخلاف انکوائری مکمل ہوگئی ہے۔
