اوسلو (پ۔ر) پاکستان یونین ناروے کے سیکرٹری اطلاعات ملک پرویز مہر (بدر مرجان) گذشتہ روز ناروے کے دارالحکومت اوسلو میں ایک مقامی ثقافتی میلے کے افتتاح کے موقع پر ناروے کی خاتون وزیراعظم ’’ایرنا سولبرگ‘‘ کے ساتھ پتنگ اڑاتے ہوئے۔ ملک پرویز مہر نے بتایا کہ پتنگ بازی تفریح کا ایک مشغلہ ہے۔ یہ اسی طرح ہے جس طرح دیگر کھیل اورتفریح کے مشاغل ہیں۔ پتنگ کی تاریخ کا تعلق قدیم چین سے ہے اور اس کھیل کو رفتہ رفتہ ترقی ملتی رہی ہے اوردیگر ممالک میں پھیلتا رہا۔ملک پرویز جنھوں نے اس تقریب میں پاکستان یونین ناروے کی نمائندگی کی ، نے بتایاکہ ناروے ۔پاکستان تعلقات کو بہتربنانااور پاکستانی ثقافت کوفروغ پاکستان یونین ناروے کے مقاصد میں شامل ہے۔ اس میلے کے دوران پاک۔ناروے ٹائمزکے میاں صفدر اور چیف ایڈیٹرگجرات لینک امجدفاروق بھی موجود تھے۔
