سپین (نوید احمد اندلسی) منہاج یورپین کونسل کا دو روزہ تنظیمی اجلاس 7 مارچ تا 8 مارچ بارسلونا (سپین) میں منعقد ہو گا اجلاس میں شرکت کے لیے یورپ بھر سے یورپین کونسل کے ایگزیکٹو ممبران، ملکی صدور اور سیکریٹری جنرل آج بارسلونا پہنچنا شروع ہونگے۔
منہاج یورپین کونسل کا اہم تنظیمی اجلاس 7تا 8مارچ 2015ء بارسلونا (سپین) میں منعقد ہو گا جس میں یورپ بھر سے منہاج یورپین کونسل کے ایگزیکٹو ممبران اور MQI کی ملکی تنظیمات کے صدور و ناظمین شرکت کریں گے، اجلاس کی صدارت منہاج یورپین کونسل کے صدر چوہدری اعجاز احمد وڑائچ کریں گے۔
اجلاس میں شرکت کے لیے منہاج یورپین کونسل کے عہدیداران یورپ بھر سے جمعرات اور جمعہ کو بارسلونا (سپین) پہنچیں گے اور ہفتہ کے روز اجلاس کے ابتدائی سیشن میں شرکت کریں گے اس اجلاس میں منہاج القرآن یورپین کونسل میں شامل 13ممالک کی ملکی تنظیمات کی کارکردگی کا جائزہ لینے کے ساتھ ساتھ آئندہ سال کے لیے دینی و مذہبی اور علمی و تدریسی سرگرمیوں کے ساتھ ساتھ ویلفیئر Welfareاور پیس اینڈ انٹی گریشن Peace and Integrationکے شعبہ جات کے حوالے سے منصوبہ بندی بھی کی جائے گی اور منہاج القرآن انٹرنیشنل کے یورپ بھر کے مراکز میں نئے تعلیمی نصاب کے باقاعدہ نفاذ کی منظوری بھی دی جائے گی۔
اجلاس میں MECکے صدر چوہدری اعجاز احمد وڑائچ(ناروے)، سیکریٹری جنرل بلال اوپل (ڈنمارک)، سینئر نائب صدر چوہدری اقبال وڑائچ (اٹلی)، نائب صدر برائے PATامور حاجی محمد اسلم (فرانس)، نائب صدر محمد ظل حسن (سپین)، جوائنٹ سیکریٹری قاضی محمد ہارون(فرانس)، صدر ویلفیئر فاؤنڈیشن علامہ اقبال اعظم منہاجین (فرانس) ، سیکریٹری جنرل ویلفیئر فاؤنڈیشن حاجی ارشد جاوید (اٹلی)، سیکریٹری میڈیا مرزا محمد افضال (اٹلی )، صدر یوتھ لیگ چن نصیب (ہالینڈ) ،سیکریٹری جنرل یوتھ لیگ محمد عمر مرزا(ہالینڈ) اور سمیت دیگر عہدیداران اور ملکی تنظیمات کے صدر اور سیکریٹری جنرل شرکت کریں گے۔
