https://youtube.com/watch?v=u4FQUwJKk5E%3Ffeature%3Doembed
لاہور(ویب ڈیسک)گپی گریوال کے بعد ایک اور بھارتی پنجابی اداکار گنپریت گُگی بھی پاکستان آئیں گے۔گنپریت گُگی کا کہنا تھا کہ میں پاکستان آنا چاہتا ہوں لیکن میں ایسے ہی نہیں آنا چاہتا کہ پاکستان آؤں اور ہاتھ لگاکر واپس چلاجاؤں، میں پانچ چھ دن کیلئے پاکستان آنا چاہتا ہوں اور اکیلا ہی آنا چاہتا ہوں۔
گنپریت گُگی نے اپنےپاکستان کے پچھلے دور کا دلچسپ تجربہ بیان کیا اور کہا کہ پاکستانی بہت محبت کرنیوالے لوگ ہیں۔ جب میں پچھلی بار پاکستان آیا تو اکیلا ہی کارڈرائیو کرکے پرانی انارکلی گیا جہاں میں نے فرنی کھائی اور خوب انجوائے کیا۔ وہاں ایک مالشئے جو بوتلیں کھڑکا رہا تھا اس سے مالش کروائی۔گنپریت گُگی نے مزید کہا کہ میں نے اسے پیسے دینے کی کوشش کی تو اس نے کہا کہ لعنت ہے مجھ پر کہ میں آپ سے پیسے لوں، میں نے ثواب کمایا ہے یہ کرکے۔۔گنپریت گُگی کا کہنا تھا کہ ایک پولیس ناکے پر مجھے پولیس والوں نے روک لیا، میں نے خود شیشہ نیچے کیا تو میرا خیال تھا کہ پولیس والے مجھے پہچان کر مجھے جانے دیں گے لیکن پولیس والوں نے کہا کہ اب تو گاڑی سائیڈ پر ہی لگے گی۔
پھر سارے پولیس والے باری باری مجھے ملنے آئے۔ میں نے کہا کہ مجھے جانے دو تو انہوں نے کہا کہ نہیں بوتل پی کر ہی جانا پڑے گا۔میں سمجھا کہ یہ مجھے دارُو شراب) پلانے لگے ہیں، اسلئے میں نے کہا میں پیتا نہیں ہوں۔ انہوں نے کہا کہ ہم بوتل پلائے بغیر جانے نہیں دیتے۔ میں نے پوچھا کہ آپ دوران ڈیوٹی ڈرائیور کو بوتل پلاتے ہیں تو انہوں نے ہنستے ہوئے کہا کہ ہم کولڈڈرنک کو بوتل کہتے ہیں۔ پھر میری سانس میں سانس آئی۔میرے لئے شیزان کی بوتل منگوائی گئی جو ایویں ہی ختم ہوگئی۔ میں نے کہا یہ بوتل تو ایویں ہی مُک جاتی ہے۔کرتاپور راہداری پر گنپریت نے کہا کہ بابے نانک نے یہ راہ کھولنا ہی تھا اسے کوئی نہیں روک سکتا تھا۔ انہوں نے وزیراعظم عمران خان کی تعریف کرتے ہوئے کہا کہ ہم موجودہ حکومت کا شکریہ ادا کرتے ہیں جنہوں نے اتنا بڑا قدم لیا، ایسا کبھی دنیا میں نہیں ہوا کہ دو ملک تقسیم ہوگئے ہوں اور بیچ میں 4 کلو کا رستہ کھل جائے۔گنپریت گگی نے بتایا کہ ہم کیری آن جٹا کا پارٹ 2 بنارہے تھے۔ میں نے سہیل احمد سے کہا کہ آپ اس فلم میں آئیں، آپ اس فلم میں ضرور چاہئے لیکن سہیل صاحب الجھے بہت ہوئے تھے کیونکہ انکا اپنا شو چلتا ہے۔ میں نے اپنی فلم “لاواں پھیرے” کیلئے خاص طور پر سہیل احمد کیلئے دعائیں منگوائی تھیں اور انہوں نے باقاعدہ ہمارے لئے ویڈیو پیغام جاری کیا تھا۔گنپریت گگی نے مزید بتایا کہ مجھے سہیل احمد کے علاوہ وہ اداکار بھی بہت پسند تھے جو دنیا سے چلے گئے۔ ان میں ببوبرال، مستانہ ، شوکی خان تھے۔۔ ببوبرال میرے بہت اچھے دوست تھے۔ کیا فنکار تھا وہ بندہ۔۔گنبریت گگی کا کہنا تھا کہ انکا آبائی گاؤں ناروال کلا منڈیالہ تھا، میرے والد بھارت پہنچنے کے بعد کہتے تھے کہ ایسا لگتا ہے جیسے میں کُلے کی گلیوں میں پھرتا ہوں۔اس موقع پر گنپریت گگی نے پاکستانی عوام کے نام پیغام بھی دیا۔
.
