لاہور (ویب ڈیسک)مسلم لیگ (ن) کو شدید دھچکا، اہم ترین خاتون رہنما نواز شریف کا ساتھ چھوڑ کر پاکستان تحریک انصاف میں شمولیت اختیار کر لی۔ مسلم لیگ (ن) کی سابقہ ایم پی اے شگفتہ شیخ نے اپنے ساتھیوں سمیت پاکستان تحریک انصاف (پی ٹی آئی) میں شمولیت اختیار کر لی ہے۔
تفصیلات کے مطابق شگفتہ شیخ نے دیگر رہنماؤں کے ہمراہ پی ٹی آئی رہنما اور صوبائی وزیر اعجاز چودھری سے ملاقات کی اور حکمران جماعت میں شامل ہونے کا اعلان کیا۔ صوبائی وزیر ہاؤسنگ اعجاز چودھری کا اس موقع پر کہنا تھا کہ ماضی میں حکمرانوں نے ملک کو دونوں ہاتھوں سے لوٹا۔ انہوں نے سابقہ ن لیگی ایم پی اے شگفتہ شیخ کو تحریک انصاف میں شمولیت پر خوش آمدید کہا۔
