آل پاکستان نیوز پیپرز سوسائٹی نے ایک چینل پر صحافیوں ،اشاعتی اداروں اور نیوز پیپرز ایڈیٹرز کے خلاف بے بنیاد الزامات پر گہری تشویش کا اظہار کیا ہے۔

APNs expressed concern over the spread of hate on one channel

اے پی این ایس کے اعلامیے میں کہا گیا ہے کہ ایک چینل پر تسلسل کے ساتھ نفرت کے پرچار پر تشویش ہے جہاں بے ہودہ زبان اور نفرت پر مبنی تقریر تمام اخلاقی حدود و اقدار پار کر چکی ہے ۔نفرت آمیز تقریر میڈیا سے وابستہ شخصیات پر اسلام اور پاکستان مخالف کالیبل لگا کر تشدد پر اکساتی ہے، اس سے میڈیا کے ساتھ وابستہ شخصیات کی زندگی خطرے میں پڑ سکتی ہے۔اعلامیے میں کہا گیا ہے کہ ذاتی مقاصد کے لیے آزادی اظہار کے غلط استعمال سے میڈیا انڈسٹری کی آزادی کو نقصان پہنچ سکتا ہے، میڈیا انڈسٹری معروف میڈیا شخصیات کو بدنام کرنے کے ذاتی ایجنڈے کے لیے کسی کو استعمال نہ ہو نے دے۔اعلامیے میں بعض پروگراموں پر پابندی کا خیر مقدم کرتے ہوئے وفاقی حکومت اور پیمرا سے کہا گیا ہے کہ الیکٹرانک میڈیا پر نفرت آمیز پروگرام نشر ہونے سے روکنے کے لیے فوری اقدامات کیے جائیں۔