ویانا (محمد اکرم باجوہ) پاکستان کرکٹ کلب آسٹریا کے زیر اہتمام 20 واں پی سی سی سالانہ یوم آزادی پاکستان کرکٹ میلہ ویانا 16 اگست بروز اتوار کو سی بارن کرکٹ سٹیڈیم میں منعقد کیا گیا۔
جس میں پاکستانی کمیونٹی کے مرد و خواتین اور بچوں کے علاوہ آسٹرین کمیونٹی کی مقامی تنظیمات اور آسٹرین حکومت کے سپورٹس منسٹر اور آسٹرین پارلیمنٹ کے ممبران نے بھی کرکٹ میلہ میں شرکت کی۔کرکٹ میلہ میں مہمانوں کیلیے مشروبات ،چائے،دہی بھلوں ،جلیبیوں کے ساتھ تواضع کی گی۔
پاکستان میڈیا ویانا کے نمائندہ سے کرکٹ میلہ کے مہمانوں نے بات کرتے ہوئے کہا کہ پاکستانی کمیونٹی پورا سال یوم آزادی کرکٹ میلہ کا انتظار کرتی ہے اور ویانا میں پاکستانی کمیونٹی کی جانب سے یوم آذادی کا سب بڑاپروگرام پی سی سی کی جانب سے کیا جاتا ہے ۔
جس میں پاکستانی کمیونٹی کی فیملیز کثیرتعداد میں شرکت کرکے پاکستان کے ساتھ اپنی محبت کا اظہار اور خصوصاََ نوجوان نسل کو باور کرایا جاتا ہے کہ پاکستان ہمارئے بڑوں نے کتنی قربانیوں کے بعد حاصل کیا تھااور پی سی سی کرکٹ میلہ کے شاندار انتظامات کو بہت سراہا۔
