Anglyndsy defeated

چنئی……پاکستان ویمن ٹیم کا ورلڈ ٹی ٹوئنٹی کے سیمی فائنل میں پہنچنے کا خواب چکناچور ہوگیا، انگلینڈ ویمن ٹیم نے گروپ کے آخری میچ میں اُسے باآسانی 68رنز سےمات دے دی۔
چنئی میںکھیلے گئے میچ میں انگلینڈ نے پہلے بیٹنگ کرتے ہوئے 5 وکٹ پر 148رنز اسکور کیے، اوپنر چارلوٹ ایڈورڈز نے 77رنز کی شاندار اننگز کھیلی،بےماؤنٹ نے 37رنز بنائے، پاکستان کی جانب سے ندا ڈار نے تین اور اسماویہ اقبال نے دو وکٹیں حاصل کیں۔جواب میں پاکستانی خواتین حریف بولرز کے سامنے نہ ٹھہر سکیں اور ٹیم اٹھارہویں اوور میں 80رنز بناکر آؤٹ ہوگئی، ندا ڈار 16، ناہیدہ خان اور اسماویہ اقبال نے پندرہ، پندرہ رنز بنائے،مارش نے تین کھلاڑیوں کو آؤٹ کیا، ایونٹ میں پاکستان نے دو میچوں میں فتح حاصل کی اور دو میں اُسے ناکامی ہوئی۔