Alan KURDI
تحریر: راؤ خلیل احمد پیرس
ایلن کردی کی نعش !چارلی ایبڈو اور اردنی کارٹونسٹ کی نظر میں۔ گزشتہ برس ترکی کے ساحل پر لال قمیض پہنے اوندھے منہ پڑے شامی بچے ایلن کر دی کی نعش کی تصویر نے دنیا کو جھنجھوڑ کے رکھ دیا تھا۔ جس کے بعد یورپ میں آنے والے پناہ گزینوں کے لیے ہمدردی کے جزبات نے جنم لیا تھا ۔
DOCTOR
مگر سال نوء کی تقریبات میں جرمنی میں خواتین پر جنسی حملے میں پناہ گزینوں کے مکروح کردار نے ایلن کردی کی موت کو بھی حرف تنقید بنا دیا ہے ! فرانس کے متنازع کارٹون فیم میگزین ، چارلی ایبڈو نے کارٹون میں جرمنی میں عورتوں پر جنسی حملے کرنے والے تارکینِ وطن کو ایلن کردی کے مستقبل کے طور پر دیکھانے کی کوشش کی ہے۔ جس میں ایک شخص کو ایک عورت کے پیچھے بھاگتے ہوئے دیکھا گیا ہے۔
MIGRANTS
اردن کے ایک آرٹسٹ نے چارلی ایبڈو کے جواب میں ایک کارٹون کے زریعے ایلن کردی کو بڑا ہوکر ایک ڈاکٹر بنتا ہوا دیکھایا ہے ۔ جسے اردن کی ملکہ رانیہ نے سماجی رابطوں کی سائٹ پر شیئر کر کے فرانسیسی متنازع جریدے چارلی کو کھرا کھرا جواب دیا ہے۔
تحریر: راؤ خلیل احمد پیرس
