Aitzaz

پیپلز پارٹی کے رہنما بیرسٹر اعتزاز احسن کا ایک اور دبنگ بیان کہتے ہیں آصف علی زرداری کو وزیر اعظم سے ملاقات نہ کرنے کا کہا۔ آصف زرداری نے ان کی بات مان کر ملاقات سے انکار کر دیا۔۔ آنے والے دنوں میں نواز شریف تنہا جبکہ اپوزیشن جماعتوں کا اتحاد ہو سکتا ہے۔
اسلام آباد: (یس اُردو) اعتزاز احسن کا آصف زرداری کو فون وزیر اعظم سے ملاقات نہ کرنے کا مشورہ ۔ نواز شریف سے ملاقات نہیں کروں گا آصف زرداری کی اعتزاز احسن کو یقین دہانی۔ دنیا نیوز کی خبر کی تصدیق کرتے ہوئے اعتزاز احسن نے اپوزیشن جماعتوں سے اتحاد کی بھی نوید سنائی۔ صحافیوں سے غیر رسمی گفتگو میں اعتزاز احسن نے ایک بار پھر کہا کہ میاں نواز شریف کی لندن یاترا صرف اور صرف زرداری صاحب سے ملاقات کے لیے ہے۔ آصف علی زرداری کو وزیر اعظم سے ملاقات نہ کرنے کہا تو آصف زرداری نے ان کی بات سے اتفاق کیا۔ سابق صدر نے واضح کیا کہ وہ وزیر اعظم سے ملاقات نہیں کریں گے۔ اعتزاز احسن نے پیشین گوئی کی آنے والے دنوں میں نواز شریف تنہا ہو جائیں گے تاہم ان کا کہنا تھا کہ پیپلز پارٹی کسی کے گھر کے باہر دھرنا دینے کی قائل نہیں آج رائیونڈ میں دھرنا ہو گا تو کل کوئی بنی گالہ کے باہر بیٹھ جائے گا۔