پشاور(ویب ڈیسک) صوبہ خیبر پختونخواہ کے دارالحکومت پشاور میں گاڑی میں دھماکہ ہوا ہے جس میں 4 افراد زخمی ہوئے ہیں۔ ابتدائی اطلاعات کے مطابق دھماکہ پشاور کے علاقے صدر کالا باڑی میں کھڑی گاڑی میں ہوا۔ پولیس کے مطابق دھماکے میں 4 افراد زخمی ہوئے ہیں جنہیں فوری طور پر اسپتال متقل کردیا گیا ہے۔ دھماکے کے بعد پولیس، ریسکیو ٹیمیں اور بم ڈسپوزل اسکواڈ موقع پر پہنچ گیا ہے جبکہ سیکیورٹی فورسز نے علاقے کو گھیرے میں لے لیا۔ پولیس کا کہنا ہے کہ دھماکے سے قریبی عمارتوں کو بھی نقصان پہنچا۔ تاحال دھماکے کی نوعیت معلوم نہیں کی جاسکی۔دوسری جانب پشاور کے علاقے صدر میں کالا باڑی کے قریب دھماکے کے نتیجے میں 4 افراد زخمی ہوگئے۔ پولیس کے مطابق دھماکے سے متعدد دکانوں کو بھی نقصان پہنچا جب کہ دھماکے سے گاڑیاں بھی تباہ ہوگئی ہیں۔ سیکیورٹی فورسز نے علاقے کو گھیرے میں لے لیا ہے جب کہ امدادی کارکن بھی جائے وقوعہ پر پہنچ گئے ہیں۔دھماکے کی شدت کافی زیادہ تھی، جس سے آس پاس واقع متعدد عمارتوں کو بھی نقصان پہنچا۔ دھماکے کی اطلاع ملتے ہی سیکیورٹی فورسز جائے وقوع پر پہنچ گئیں اور شواہد اکٹھے کرکے تحقیقات کا آغاز کردیا۔
