شیر دل لیڈر، ہمارے دلوں کی دھڑکن ہے، ثابت ہوگیا نواز شریف جنوبی ایشیا کے سب سے بڑے لیڈر ہیں، چوہدری سجاد نمبر دار
پیرس(ایس ایم حسنین) پاکستان مسلم لیگ ن فرانس کے نائب صدر چوہدری سجاد نمبر دار نےریلی میں کارکنوں کا تاریخی جوش و خروش دیکھتے ہوئےاپنے بیان میں کہا ہے کہ یقیناً یہ محبت نہیں عشق ہے، اپنے قائد سے عقیدت کی اس سے اعلیٰ مثال ہماری قوم کی تاریخ میں کبھی نہیں دیکھی گئی،شیر دل لیڈر کے
چاروں طرف عوام کا ٹھاٹھیں مارتا سمندر ہے
سیکڑوں ہزاروں گاڑیوں پر مشتمل سابق وزیراعظم کا قافلہ اسلام آباد میں انہیں لےکر منزل کی جانب کامیابی سے رواں دواں ہے مخالفین کو توقع تھی کہ قافلہ چند گھنٹوں میں جی ٹی روڈ پر پہنچ جائے گا جہاں سے دو تین دنوں میں پہنچے گا مگر کارکنوں کا جوش و خروش دیکھنے سے لگتا ہے کہ وہ اپنے ہر دلعزیز لیڈر کو دیکھ کرجیتے ہیں اور انہیں اپنے حصار سے نکلنے نہیں دینا چاہتے۔ایسے لیڈر صدیوں بعد پیدا ہوتے ہیں جوعوام کے دلوں کی دھڑکن ہوا کرتے ہیں ۔
