کوئٹہ سانحہ میں جنہوں نے جان دی انھیں ایمبولینس بھی نہ ملی، میتیں ویگنوں کی چھتوں پر آبائی علاقوں کو بھجوائی گئیں۔
کوئٹہ: گزشتہ روز پولیس ٹریننگ کالج کوئٹہ پر دہشت گردوں کے بزدلانہ حملے میں 61 اہلکاروں نے جام شہادت نوش کیا۔ شہید اہلکاروں کا تعلق بلوچستان کے مختلف اضلاع سے تھا۔ میتوں کی آبائی علاقوں کو روانگی کا وقت آیا تو بلوچستان حکومت نے شہداء کی میتوں کو پاکستانی پرچموں میں لپیٹ کر ایمبولینسز کے ذریعے بھجوانے کے بجائے ویگنوں کی چھتوں پر رکھ کر بھجوائیں۔ صوبے میں 30 ارب کا بجٹ ہونے کے باوجود قوم کے ان شہداء کے لیے ایمبولینسز کا انتظام نہ کیا جا سکا۔ ترجمان بلوچستان حکومت انوار الحق کاکڑ نے انوکھی منطق پیش کی کہ جن علاقوں کو یہ میتیں بھجوائی گئی ہیں وہاں ایمبولیسنز کے جانے کیلئے راستے موجود نہیں ہیں۔
