ممبئی(ویب ڈیسک) بالی ووڈ سلطان سلمان خان ان دنوں اپنی میگا بجٹ فلم ’بھارت‘ کی شوٹنگ میں مصروف ہیں جس میں ان کے ہمراہ کترینہ کیف مرکزی کردار میں دکھائی دیں گی جب کہ علی عباس ظفر کی ہدایت کاری میں بننے والی فلم میں دیشا پٹانی اور سنیل گروور بھی اہم کرداروں میں دکھائی دیں گے۔ دوسری جانب بھارتی کرکٹ ٹیم کے کپتان ویرات کوہلی کی اہلیہ انوشکا شرما اپنی نئی فلم ’زیرو‘ کی تشہیر میں مصروف ہیں جس میں وہ بالی ووڈ کنگ کے ساتھ دکھائی دیں گی جب کہ فلم میں کترینہ کیف بھی لیڈ رول ادا کررہی ہیں۔رپورٹس کے مطابق بالی ووڈ کو بلاگ بسٹر فلم ’سلطان‘ دینے والی جوڑی ایک بار پھر ساتھ جلوہ گر ہونے کی تیاری کررہی ہے اور کہا جارہا ہے کہ بالی ووڈ کے تینوں خانز کے ساتھ جلوہ گرہونے والی اداکارہ انوشکا شرما کو نامور ہدایت کار سنجے لیلا بھنسالی کی نئی فلم ’انشااللہ‘ میں کاسٹ کرلیا گیا ہے جس میں سلمان خان مرکزی کردار میں دکھائی دیں گے جب کہ بالی ووڈ سلطان نے خود ہدایت کار کو انوشکا شرما کو کاسٹ کرنے کا مشورہ دیا۔واضح رہے سلمان خان کے ساتھ سنجے لیلا بھنسالی کی نئی فلم ’انشااللہ‘ کے لیے پہلے دپیکا پڈوکون کا نام بھی سامنے آچکا ہے۔تفصیلات کے مطابق بالی وڈ اداکارہ انوشکا شرما کو سلمان خان کےساتھ اگلی فلم میں کاسٹ کرنے کی خبریں سامنے آئی ہیں۔ ہندوستانی میڈیا رپورٹس کے مطابق معروف بالی وڈ فلمساز سنجے لیلا بھنسالی نے اداکارہ انوشکا اور سلمان کو اگلی فلم کیلئے منتخب کرلیاہے ۔انوشکا فلم زیرو کی تشہیر اور سلمان خان بھارت فلم کی شوٹنگ کررہے ہیں ۔بالی وڈ فلم ”سلطان“ کے بعد انوشکا اور سلمان خان ایک ساتھ دکھائی دیں گے ۔
انوشکا پھر سلمان کی ہیروئن بنیں گی۔۔۔فلم کا نام کیا ہے؟ بالی وڈ سے تازہ ترین خبر
