معروف کرکٹر شاہد آفریدی کی چھوٹی صاحبزادی اسمارا نے اپنی سالگرہ پر تحفہ بھجوانے کیلئے ڈی جی آئی ایس پی آرمیجرجنرل آصف غفورکا شکریہ ادا کیا ہے۔ اسمارا کا مختصر ویڈیو پیغام سوشل میڈیا پر خوب وائرل ہورہا ہے۔

گزشتہ روز بوم بوم آفریدی نے اسمارا کی سالگرہ کی تصاویر سماجی رابطوں کی ویب سائٹ ٹوئٹرپرشیئر کرتے ہوئے خوبصورت پیغام لکھاتھا کہ ’’ آج اسمارا کی چھٹی سالگرہ منا رہے ہیں۔ بیٹیاں اللہ کی رحمت ہوتی ہیں۔ ہمیں ہمیشہ اپنی فیملی اور پیاروں کے ساتھ ایسی چھوٹی چھوٹی خوشیاں منانے کیلئے وقت نکالنا چاہیئے۔ لو یو اسمارا‘‘۔

اسمارا کی خوشیوں میں میجر جنرل آصف غفور نے بھی ننھی شہزادی کیلئے تحفہ بھجوا کر اپنا حصہ ڈالا جس پر اسمارا نے انہیں ویڈیو پیغام میں کہا ’’آصف انکل تھینک یو، مجھے آپ کا گفٹ مل گیا ہے‘‘۔

واضح رہے کہ کرکٹر شاہد آفریدی کو اللہ نے چار بیٹیوں سے نوازا ہے جن سے وہ بےپناہ محبت کرتے ہیں۔ ان کی بیٹیاں تقریبا تمام ٹورنامنٹ میں بابا کے ساتھ ہوتی ہیں اورآفریدی سوشل میڈیا پر خوبصورت تصاویر شئیر کرتے رہتے ہیں جو بچیوں کی اپنے

والد سے زبردست دوستی کا پتہ دیتی ہیں۔