دنیا کے ان امیر ترین افراد کے پاس اس وقت ایک محتاط اندازے کے مطابق ایک اعشاریہ ایک کھرب ڈالرز ہیں
برطانوی ادارے نے اپئی رپورٹ میں انکشاف کیا ہے کہ 42 امیروں کے پاس دنیا کی پچاس فیصد آبادی کے برابر دولت ہے، امیر اور غریب کے درمیان خلیج وسیع ہو رہی ہے۔ برطانوی ادارے اوکسفیم نے امریکی میگزین فوربز کی دنیا کے امیر ترین لوگوں کی فہرستوں سے ایک رپورٹ مرتب کی ہے جس کے مطابق بیالیس امیر ترین لوگوں کے پاس اتنی دولت ہے جو دنیا کی پچاس فیصد آبادی جتنی ہے۔ ان امیروں کے پاس ایک اعشاریہ ایک کھرب ڈالر ہیں جو دنیا کے تین ارب ستر کروڑ لوگوں کے برابر ہے۔ رپورٹ میں کہا گیا ہے کہ امیر اور غریب کے درمیان خلیج وسیع ہوتی جا رہی ہے۔ گزشتہ برس امیروں کی تعداد اکسٹھ تھی، جبکہ دو ہزار نو کی کساد بازاری کے دوران تین سو اسی لوگوں کی دولت دنیا کی آدھی آبادی کے برابر تھی۔ بل گیٹس چھیاسی ارب ڈالر کے ساتھ دنیا کے امیر ترین شخص ہیں۔
