کابل / واشنگٹن: امریکی وزارت دفاع  پینٹاگون نے اعلان کیا ہے کہ  2016کے آخر تک افغانستان کی جنگ میں امریکاکے 2ہزار 2477 فوجی ہلاک ہوئے ہیں۔

2 thousand 247 US troops killed in Afghanistan since now , Pentagon

2001میں افغانستان پر امریکی حملے سے لے کر اب تک تقریباً20ہزار 200 امریکی فوجی زخمی بھی ہوئے۔ اس وقت افغانستان میں امریکا کے 9 ہزار 800 فوجی موجود ہیں لیکن پروگرام کے مطابق ان کی تعداد کم کرکے 8ہزار 400 کردی جائے گی۔ ایک اور رپورٹ کے مطابق افغانستان میں یورپی یونین کی پولیس کا مشن ختم ہوگیا ہے۔ یہ مشن 2007 میں شروع ہوا تھا۔یورپی یونین کی پولیس کا مشن افغانستان کی وزارت داخلہ میں اصلاحات اوراس ملک کی پولیس کو پیشہ ورانہ کام سکھانے کے لیے شروع کیا گیا تھا اور اس کا 2016 کا بجٹ تقریبا50 ملین ڈالرتھا۔ اس وقت افغان پولیس میں تقریباً ڈیڑھ لاکھ اہلکار خدمات انجام دے رہے ہیں۔دریں اثنا افغان سیکیورٹی فورسز نے صوبہ نورستان کے ضلع کما دیش میں 4 پاکستانی شدت پسندوں کو ہلاک کرنے کا دعویٰ کیا ہے۔علاوہ ازیں شمالی افغانستان میں سیکیورٹی فورسز اورطالبان کے درمیان شدید جھڑپ میں 5 طالبان ہلاک اور8 زخمی ہوگئے۔ مرنے والوں میں طالبان کے 2 مشہور کمانڈر نعمت اور سیدعلی شامل ہیں۔ لوگر میں بارودی سرنگ کے دھماکے میں فوج کا جنرل زخمی ہوگیا۔