17-2016 year’s budget

بجٹ سے قبل اقتصادی جائزہ رپورٹ بھی پیش کی جائے گی ، ترقیاتی اخراجات کی مد میں مختص کئے گئے 7 سو ارب میں سے 4 سو ارب خرچ کئے جا چکے
کراچی (یس اُردو) مالی سال 17-2016 کا بجٹ 3 جون کو پیش کیے جانے کا امکان ہے ۔ تعلیم ، صحت، ترقیاتی منصوبوں ، تنخواہوں اور پنشن میں کتنا اضافہ ہوگا؟؟؟ اعلان ہونے کو ہے ۔ ذرائع کا کہنا ہے کہ آئندہ مالی سال کا بجٹ 3 جون کو پیش کیے جانے کا امکان ہے ۔ جبکہ بجٹ 17-2016 سے قبل اقتصادی جائزہ رپورٹ بھی جاری کی جائے گی ۔ ذرائع کا یہ بھی کہنا تھا کہ قومی اقتصادی کونسل کا اجلاس مئی کے آخری ہفتے میں متوقع ہے جس میں وفاق اور صوبوں کے ترقیاتی اخراجات کی منظوری سمیت زراعت اور صنعتوں کی پیداوار کے ہدف کے تعین کا امکان بھی ہے ۔ واضح رہے کہ رواں مالی سال وفاق نے ترقیاتی اخراجات کی مد میں 700 ارب روپے رکھے تھے جس میں اب تک 400 ارب روپے خرچ کیے جا چکے ہیں