برلن میں چیئرمین پاکستان بلاول بھٹوزرداری کی موجودگی میں پارٹی ڈسپلن کی خلاف ورزی اور کارکنان کے طوفان بدتمیزی کی بھرپور مذمت کرتے ہیں
پارٹی چئرمین اور مرکزی قیادت کی موجودگی میں محدود وقت کے باوجود سب کا تعارف کرایا گیا اور سب کو موقع دیا گیا اس کے باوجود اعتراضات اور شکایات بھی سنی گئیں مگر سینئر کارکنان اور اس قدر محدود وقت کا خیال نہ رکھتے ہوئے پارٹی ڈسپلن کی خلاف ورزی کرتے ہوئے انتہائی اخلاق باختہ حرکات کرنا کسی بھی طرح قابل قبول نہیں ۔ بعض سینئر کارکنوں کی طرف سے تصادم اور ہاتھا پائی نے ماحول کو ناخوشگوار بنایا عام انتخابات میں ایم این اے کیلئے پارٹی ٹکٹ حاصل کرنے والوں نے بے جا اعتراضات اور بے سروپا الزامات کا سہارا لیتے ہوئے نہ صرف انہوں نے اپنی پوزیشن کو کمزور کیا بلکہ بدمزگی کو مزید ہوا دی جس سے تصادم کا خطرہ پیدا ہوا۔ اس صورتحال میں ایسے ورکرز اور کارکنان کو بارہا سمجھایا گیا مگر انہوں نے بچگانہ روش کو اجلاس کے دوران جاری رکھا جس سے ماحول میں بدمزگی پیدا ہوئی۔
سینئر اور اتنے پرانے ساتھی آپس میں الجھ پڑے، کانفرنس حال کے باہر میدان جنگ بن گیا ، ایک دوسرے پر الزامات اور طن تشنیع اور حال کے باہر جھگڑا کیا گیا۔ بعض سینئر راہنمائوں کی طرف سے بچ بچاوٴ کرانے کی کوشش کے باوجود اس سلسلے جو جاری رکھنا قابل مذمت ہے
