☆تھوڑا سا *”اور اضافہ”* کا قانون☆
سن 1976 کے اولمپک مقابلوں کے دوران سو میٹر کی دوڑ کے آخری مرحلے میں کل آٹھ کھلاڑی شریک تھے۔ سونے کا تمغہ جیتنے والا کھلاڑی باقی کے آٹھ کھلاڑیوں سے صرف ایک سیکنڈ کا دسواں حصہ زیادہ تیز تھا۔
*رفتار میں بہت ہی تھوڑا سا فرق مگر نتائج میں بہت بڑا فرق۔*
امریکہ میں ہونے والی ایک گھڑ دوڑ میں جیتنے والے گھوڑے کو دس لاکھ ڈالر کا انعام ملا، دوسرے نمبر پر آنے والے گھوڑے کو جو جیتنے میں فقظ ناک کے فرق سے رہ گیا تھا کو محض پچھتر ہزار ڈالر ملے۔
*مسافت میں اتنا مہین سا فرق مگر نتائج میں بہت بڑا فرق۔*
ایک قانون جان لیجیئے کہ:
اگر آپ ایک اپنی نوکری پر جانے سے ایک گھنٹہ پہلے جاگ جاتے ہیں، اور اپنی فیلڈ سے متعلقہ کوئی بھی کتاب پڑھتے ہیں تو گویا آپ ہفتہ بھر میں سات گھنٹے مطالعہ کر لیں گے۔ کچھ ہی عرصہ کے بعد، آپ کا علم اپنے دفتر کے تمام ساتھیوں میں زیادہ ہوگا۔ اور آپ کے ساتھی آپ سے مشورہ لیا کریں گے کیونکہ آپ ہی ان میں زیادہ تجربہ والے شمار ہو رہے ہونگے۔
*محض تھوڑا سا اضافہ مگر نتائج میں بہت بڑا فرق۔*
اگر آپ مسجد میں نماز سے تھوڑا سا پہلے یا اذان ہوتے ہی جانا شروع کر دیں تو آپ نماز سے پہلے پہلے کم از کم قران مجید سے دس صفحات پڑھ پائیں گے۔ اگر آپ ایسا دو نمازوں میں ہی کر لیں تو روزانہ بیس صٖفحات کی تلاوت شروع ہو جائے گی۔ اس کا مطلب تقریبا ایک سپارہ یومی یا ایک سو چالیس صٖفحے ہفتہ وار یعنی ایک ختم قران ہر مہینے۔
*اسی طرح تسبحات درود شریف، استغفار کے لیے محض تھوڑا سا اضافہ مگر نتائج میں بہت بڑا فرق۔*
ایک باپ اپنے پرائمری کے طالبعلم بیٹے کے ساتھ رات کا کھانا لگتے لگتے پندرہ منٹ کیلئے مل کر کوئی انگریزی کی کتاب پڑھتا تھا۔ اب اس کا بیٹا مڈل سکول میں ہے لیکن انگریزی کی کوئی بھی کتاب بغیر کسی مسئلے کے پڑھ لیتا ہے۔
*وقت میں محض تھوڑا سا اضافہ مگر نتائج میں بہت بڑا فرق۔*
*خلاصہ:*
*تھوڑے سے اضافے کا قانون* اپنی زندگی کے ہر شعبے میں لاگو کر لیجیئے،
اپنے کام کو دیکھیئے،
اپنے تعلقات کو دیکھیئے،
اپنی صحت کو دیکھیئے،
اپنے بچوں کو دیکھیئے،
اور
اپنے ہر اس کام کو دیکھیئے جس میں آپ تھوڑا سا اضافہ کر سکتے ہی
اور
اپنے گرد نواح میں ہر اس ناطے کو دیکھیئے جس میں آپ تھوڑے سے اور کا اضافہ کر کے بڑی تبدیلی لا سکتے ہیں۔
زندگی میں بہت ساری ایسی چیزیں ہیں جو تھوڑے سے اور اضافے کے بہت بڑی تبدیلی سے جڑی ہوئی ہیں۔
*ان شاء اللّه*
*تھوڑا سا اور اضافے کا قانون اپنے آپ پر لاگو کرنے سے بہت ساری کامیابیاں آپ کے قدم میں چومیں گی ۔۔۔!!!*
