چیچہ وطنی(رپورٹ.رضوان احمد)چیچہ وطنی الفتح ٹائون میں فائرنگ۔ کرکٹ میچ میں معمولی تلخ کلامی پر مخالفین نے نسیم خان پٹھان المعروف چیمہ پٹھان چائےوالے کے گھر کے سامنے اندھا دھند فائرنگ کردی۔ فائرنگ سے گھر میں موجود خواتین ، بچے بال بال بچ گئے۔
تفصیلات کے مطابق اویس خان شام کے وقت گورنمنٹ گرلزہا ئی سکول کے گراونڈ میں کرکٹ کھیل رہے تھے کہ اسی دوران کسی بات پر علی خان نامی نوجوان سے معمولی بات پر تلخ کلامی ہوگی ۔ کچھ دیر بعد اویس خان اپنے گھر واپس آنے کے بعد وہ اپنے گھرسے ہوٹل چلا گیا ۔ پیچھے سے علی خان اور اس کے دیگر ساتھیوں نے گھر کے سامنے اندھا دھند فائرنگ کردی ۔ جس سے گھر میں موجود خواتین اور بچے محفوظ رہے فائرنگ سے محلہ میں خوف وہراس پھیل گیا ۔ ملزمان فائرنگ کرنے کے بعد موٹر سائیکلوں پر فرار ہوگئے ۔ پولیس کو جیسے ہی واقع کی اطلاع ملی ۔ ڈی ایس پی چیچہ وطنی نے موقع پر پہنچ کر سارے واقع کا جائزہ لینے کے بعد فائرنگ میں ملوث ملزمان کے گھر پر اپنی نگرانی میں ریڈ کیا تاہم ملزمان موقع سے فرار ہونے میں کامیاب ہوگئے ۔ چیچہ وطنی میں فائرنگ کے واقعات روز کا معمول بن چکے ہیں ، آرپی او ساہیوال ، ڈی پی او ساہیوال واقعات کا فوری نوٹس لیتے ہوئے ۔ایسے واقعات میں ملوث ملزمان پر بلا تفریق کریک ڈائون کریں ۔