سانحہ ماڈل ٹاؤن انکوائری رپورٹ منظر عام پر لانے کے فیصلے کے خلاف پنجاب حکومت کی اپیل کا فیصلہ آج سنایا جائے گا ۔ جسٹس عابد عزیز شیخ کی سربراہی میں تین رکنی فل بینچ دوپہر کو فیصلہ سنائے گا۔
سانحہ ماڈل ٹاون کے متاثرین کی درخواست پر انکوائری رپورٹ پبلک کرنے کا حکم جسٹس مظاہر علی اکبر نقوی نے دیا تھا ، پنجاب حکومت نے فیصلے کے خلاف انٹرا کورٹ اپیل دائر کی تھی ۔ وکلاء کے دلائل سننے کے بعد فل بینچ نے 24 نومبر کو فیصلہ محفوظ کیا تھا۔ تین رکنی بینچ جسٹس عابد عزیز شیخ ، جسٹس شہباز رضوی اور جسٹس قاضی محمد امین احمد پر مشتمل ہے۔
