بالی ووڈ اداکار رنویر سنگھ نے اپنی نئی فلم ’’ سمبا‘‘کا پوسٹر سوشل میڈیا ویب سائٹ پر جاری کردیا۔ بھارتی میڈیا کے مطابق رنویر سنگھ نے رنویر سنگھ نے روہیت شیٹی کے ساتھ اپنی آئندہ فلم سمبا کااعلان کرتے ہوئے 
ٹوئٹر پر پوسٹر شیئر کیا ہے، جس میں وہ پولیس یونیفارم پہنے ہوئے ہیں۔
کرن جوہر کی پروڈیوس کردہ فلم میں رنویر سنگھ کی ہیروئن ممکنہ طور پر تمنا بھاٹیہ ہوں گی،جس کی شوٹنگ جلد شروع کی جائے گی اور آئندہ سال 28دسمبر کو سنیما گھروں کی زینت بنے گی۔ رنویر سنگھ ان دنوں دپیکا پڈوکون کے ساتھ اپنی متنازع فلم ’’پدماوتی‘‘ کی ریلیز کے منتظر ہیں،جبکہ روہیت شیٹی نئی فلم ’’گول مال ریٹرنز‘‘ کی کامیابی کے مزے لوٹ رہے ہیں۔
