کمپنی کا خالص منافع بعد از ٹیکس 13 ارب روپے رہاجو گزشتہ برس کے مقابلے میں 13 فیصد زیادہ ہے
کراچی: انڈس موٹر کمپنی نے 30 جون 2017 کو ختم ہونے والے مالی سال کے نتائج کا اعلان کردیا ہے۔ بورڈ آف ڈائریکٹرز کا اجلاس گزشتہ روز منعقد ہوا جس میں کمپنی کی مالی اور آپریٹنگ کارکردگی کا جائزہ لیا گیا۔ کمپنی کا خالص منافع بعد از ٹیکس 13 ارب روپے رہا جو گزشتہ برس کے مقابلے میں 13 فیصد زیادہ ہے . صارفین کے مثبت رجحان ، مستحکم معاشی صورتحال، مناسب قیمت پر آٹو فنانس کی سہولت اور انفراسٹرکچر پر حکومتی اخراجات کے باعث کار ساز صنعت کو فائدہ حاصل ہوا جس نے کمپنی کو اس قابل بنایا کہ کمپنی کو نیٹ سیلز، خالص فروخت کی ریکارڈ آمدنی 112 ارب روپے حاصل ہوئی، یہ آمدن گزشتہ برس سے 3 فیصد زیادہ ہے۔
