اسلام آباد(ایس ایم حسنین) پاکستان اور جنوی کوریا کے درمیان دوطرفہ پالیسی کیلئے مشاورتی عمل کا آغاز کیا جائیگا، اس بات پر جنوبی کوریا میں پاکستان کی سفیر ممتاز زہرہ بلوچ کی جنوی کوریا کے نائب وزیر خارجہ چوئی جانگ کن سے سیول میں ملاقات میں اتفاق کیا گیا۔ دونوں جانب سے پاکستان اور جنوبی کوریا کے درمیان تعلقات اور مختلف معاملات پر تعاون کے حوالے سے تبادلہ خیال کیا گیا۔ فریقین نے رواں سال دوطرفہ پالیسی سے متعلق مشاورت کے لئے مل کر کام کرنے پر اتفاق کیا تاکہ دونوں ممالک کے درمیان تعاون بڑھانے کی راہ ہموار کرنے کے مواقع پیدا کئے جاسکیں۔
