چھٹے سالانہ یورپین والی بال ٹورنامنٹ میں گجر کلب کی نمائندگی کرنے کیلئے مایہ ناز پلیئر چوہدری ندیم شوکت گجر برطانیہ سے چوہدری عبدالرزاق ڈھل کی میزبانی میں پیرس پہنچ گئے
پیرس(یس اردو نیوز)پاک فرانس ایسوسی ایشن کے زیر اہتمام چھٹے سالانہ یورپین والی بال ٹورنامنٹ کے سنسنی خیز مقابلے کے آغاز میں 
دو دن باقی ہیں اور یورپ بھر سے والی بال ٹورنامنٹ میں شرکت کیلئے کھلاڑیوں کی آمد کا سلسلہ جاری ہے، چوہدری عبدالرزاق ڈھل کی میزبانی میں گجر کلب کی نمائندگی کرنے کیلئے مایہ ناز پلیئر چوہدری ندیم شوکت گجر آج برطانیہ سے پیرس پہنچے جن کا پاک فرانس ایسوسی ایشن کے چوہدری عبدالرزاق ڈھل نے استقبال کیا اور ان کو شیڈول کے مطابق ان کی قیام گاہ پہنچایا۔
چوہدری ندیم شوکت گجر یکم جولائی سے شروع ہونے والے یورپین والی بال ٹورنامنٹ میں گجر کلب کی نمائندگی کریں گے اور اس دوران منتظمین کی طرف سے چوہدری عبدالرزاق ڈھل ان کی میزبانی کے فرائض انجام دیں گے۔
