کوئٹہ میں عید الفطر کی چاند رات کےموقع پر سکیورٹی کاپلان ترتیب دے دیاگیا ہے۔
جیو نیوز کو ڈی آئی جی کوئٹہ نے بتایاکہ پلان کےتحت شہر بھر میں پانچ ہزار600 پولیس اہلکارتعینات ہوں گے، ان اہلکاروں میں ا سپیشل برانچ، ریپڈ ریسپانس گروپ اور انسداد دہشت گردی فورس کے اہلکار بھی شامل ہیں ۔ اہم عمارتوں کےعلاوہ حساس مقامات اور بازاروں میں سادہ کپڑوں میں بھی پولیس اہلکار تعینات ہیں شہر کے داخلی اور خارجی راستوں پر سخت چیکنگ جاری ہے ۔ پولیس کےعلاوہ ایف سی اہلکاربھی سکیورٹی فرا ئض سرانجام دے رہے ہیں پولیس اور ایف سی کی شہر بھر میں پٹرولنگ بھی جاری ہے۔ انہوں نے بتایا کہ بازاروں او ر حسا س مقامات پر سول کپڑوں میں اہلکاروں کو تعینا ت کیا گیا ہے تاکہ کسی بھی ناخوشگوار واقعہ سے بروقت نمٹا جا سکے۔
