ڈان لیکس انکوائری رپورٹ اور متعلقہ دستاویزات کی نقل فراہم کی جائے، سابق پی آئی او رائو تحسین نے وزارت داخلہ ، اسٹیبلشمنٹ ڈویژن اورانکوائری کمیٹی کے سیکرٹریز کو قانونی نوٹس بھجوا دیا۔
راو تحسین کے وکلا کی جانب سے بھجوائے گئے لیگل نوٹس میں کہا گیا ہے کہ ہمارے موکل کو کمیٹی نے طلب کیا تھا ،رپورٹ مکمل کرنے کے بعد وزیراعظم کو جمع کرا دی گئی ہے۔
لیگل نوٹس کے مطابق رائو تحسین کے خلاف ای اینڈ ڈی قوائد کے تحت کارروائی کا حکم دیا گیاجبکہ رپورٹ کی دیگر سفارشات کو نظر انداز کیا گیا ۔ نوٹس کہا گیا کہ ہمارا موکل اس رپورٹ کا متاثرہ ہے اور اس رپورٹ کی نقل کا حصول اس کا حق ہے،ڈان لیکس رپورٹ اور متعلقہ دستاویزات کی نقل فراہم کی جائے۔
