زمین کی کھدائی کے دوران سونا ،چاندی،قیمتی نوادرات یا کوئی خاص دھات کا نکلنا عام سی بات ہے، لیکن ترکی میں عمارت کی تعمیر کے لئے کھدائی کے دوران ایسا دلچسپ منظر دیکھنے میں آیا، جس نے سب کو حیران کردیا۔
ترکی کے علاقے ’بولو‘میں پولٹری فارم کی جگہ نئی عمارت کے لئے کھدائی کی جارہی تھی جہاں مزدور مشین کے ذریعے کھدائی میں مصروف تھے کہ اچانک اس دوران ریچھ نکل آیااور ریچھ اتنا بڑا تھا کہ چھوٹے سے سوراخ سے نکل نہ پایا اور کرین کی مدد سے اسے کھودا گیا تو ریچھ نکل کر جنگل کی جانب بھاگ گیا۔
یہ دلچسپ منظر چند منٹوں پر محیط تھا تاہم وہاں موجود لوگ کچھ خوف زدہ تو ضرور ہوئے مگر یہ منظر کیمرے کی آنکھ میں محفوظ کرلیا۔
