رینجرز کی جانب سے نقاب پوش ملزم کی تصویر جاری
پاکستان رینجرز سندھ نے کالعدم تنظیم سے تعلق رکھنے والے نقاب پوش ملزم کی تصویر جاری کرتے ہوئے عوام سے اس کی مدد کی اپیل کردی۔
پاکستان رینجرز سندھ نےنقاب پوش ملزم کی تصاویر میڈیا کو جاری کردیں، ترجمان رینجرز کے مطابق جاری کی گئی تصویر میں نظر آنے والا نقاب پوش شخص کا تعلق کالعدم تنظیم سے ہے،نقاب پوش شخص کسی دہشت گردی کی کارروائی میں آلہ کار بن سکتا ہے ۔
ان کا کہنا تھا کہ اس نقاب پوش کی شناخت اور تلاش میں عوام رینجرز سے تعاون کرے ترجمان رینجرز کے مطابق کسی کو بھی اس مشتبہ نقاب پوش کے بارے میں علم ہو تو رینجرز ہیلپ لائن1101پر اطلاع دے یا پھر اس کی اطلاع رینجرز واٹس ایپ نمبر0316-2369996پر بھی اطلاع دی جاسکتی ہے۔
