Pak will not let any conspiracy to come acrose Pak-China ecnomic corridor2
اسلام آباد (یس اردونیوز ڈیسک) سپیکر قومی اسمبلی ایاز صادق نے کہا ہے کہ اقتصادی راہداری منصوبے کے خلاف کسی قسم کی سازش کامیاب نہیں ہونے دیں گے ۔ اقتصادی راہداری منصوبہ چین کی طرف سے پاکستانی عوام کے لئے تحفہ ہے جس سے پاکستانی عوام کو بے پناہ فواہد ملیں گے ۔ بدھ کے روز سپیکر کے چیمبر میں چین کے سفیر کی سپیکر قومی اسمبلی ایاز صادق سے ملاقات میں ہوئی جس میں دونوں ملکوں کے درمیان دوطرفہ امور اور پارلیمانی روابط مزید مستحکم کرنے پر تبادلہ خیال ہوا ،
سپیکر ایاز صادق نے کہا کہ اقتصادی راہداری منصوبے کے خلاف کوئی سازش کامیاب نہیں ہونے دیں گے پاک چین اقتصادی راہداری منصوبے پر اطمینان کا اظہار کیا اور اقتصادی راہداری منصوبے کی ملک کی 20 کروڑ عوام حفاظت کرے گی ۔ انہوں نے مزید کہا کہ اقتصادی راہداری منصوبہ چین کی طرف سے پاکستانی عوام کے لئے تحفہ ہے جس سے پاکستانی عوام کو بے پناہ فوائد ملیں گے ۔ااس موقع پر چین کے سفیر نے کہا کہ اقتصادی راہداری منصوبے سے دونوں ملکوں کے عوام کو روزگار کے وسیع مواقع ملیں گے چین پاکستان کی ترقی میں اپنا کردار ادا کرتا رہے گا چین پاکستان کی ہر قسم کی امداد جاری رکھے گا ۔
