کراچی……..بھارت میں ایک دلہن نے اس وقت شادی سے انکار کردیا جب اسے بالی وڈ کے آئٹم سانگ پر رقص کرنے پر مجبور کیا گیا شادی کے منڈپ پر اس نے ورمالا دے مارا،بارات واپس لوٹ گئی۔
بھارتی میڈیا کے مطابق فیروز آبادیہ واقعہ فیروزہ آباد کے علاقےنیشنل ہائی وے-II کے قریب ایک نجی ہوٹل کے ہال میں پیش آیا۔اتر پولیس اسٹیشن کے انچارن ششی کانت شرما کے مطابق شادی کی تقریب کے دوران دلہا کے قریبی رشتہ داروں نے یہ مطالبہ شروع کردیا کہ دلہا اور دلہن اکھٹے بالی وڈ کے آئٹم نمبر پر رقص پیش کریں جس پر دلہن نے انکار کردیا۔ لہذا وہ دلہے کو ڈانس فلور پر لے آئے،لیکن کچھ دیر بعد دلہا دوبارہ دلہن کے پاس گیاا ور اسے رقص پر مجبور کیا۔جب دلہن کے چچا نے دیکھا کہ اس کی بھتیجی کو ناچنے کےلئے مجبور کیا جارہا ہے تو انہوں نےمداخلت کرنے کی کوشش کی لیکن اسے زور سے تھپڑ مارا گیا۔ دلہن کو یہ تزلیل محسوس ہوئی اور اس وقت نفرت کے ساتھ انہوں نے ہار ورمالہ دور پھینک دیا اور اپنی شادی کے لئے بنائے گئے اسٹیج سے چلی گئی اور شادی ختم کردی۔لڑکی کے والد اور بہن بھائی شادی ختم کرنے کے موقف پر ڈٹے رہے اور بارات کو واپس جانے کا کہا،پولیس افسر کے مطابق والدین نے دلہن کی مکمل حمایت کیں۔لڑکی کے فیصلے سے ناخوش دلہا والے بپھر گئے اور دلہن کے بہن بھائیوں کے ساتھ دست و گریبان ہوگئے جس پر پولیس کو طلب کیا گیا۔لہا اور اس کے والد سمیت چھ افراد کو حراست میں لیا گیا۔تاہم دلہن والوں کی طرف سے کسی بھی قسم کی تحریری شکایت نہ ہونے پر بعد میں انہیں چھوڑدیا گیا۔لڑکے والوں کا تعلق فیروزہ آباد کے درگ نگر سے ہے جب کہ لڑکی کا تعلق ہتھرس ضلع کے میدو علاقے سے ہے۔
