ننکانہ صاحب(محمد قمرعبا س)ٹریفک کے مختلف حادثات میں 2خواتین سمیت 8افراد زخمی۔ تفصیلات کے مطابق سانگلہ ہل نزد گورنمنٹ گرلز کالج تیز رفتار رکشہ کا وہیل ٹوٹنے کی وجہ سے رکشہ نہر میں جا گرا جس کے نتیجہ میں 25سالہ افضال احمد اور30سالہ قیصر،سانگلہ فیصل آباد روڈ تیز رفتار موٹر سائیکل کے پہئیے میں دوپٹہ پھنس جانے سے 27سالہ ماریہ اور25سالہ عاصمہ،شاہ کوٹ روڈ نزد ریسکیو1122ننکانہ آفس تیز رفتار موٹر سائیکل رکشہ الٹ گیا جس کے نتیجہ میں 24سالہ عرفان ،شاہ کوٹ روڈ نزد بابا سی این جی تیز رفتار ویگن والے نے موٹر سائیکل کو ہٹ کیا جس کے نتیجہ میں 60سالہ محمد صدیق ،مین جی ٹی روڈ نزد شاداب مل تیز رفتار دو موٹر سائیکل میں تصادم ہوا جس کے نتیجہ میں 16سالہ علی رضا اور10سالہ حمادگر کر شدید زخمی ہوگئے ان تمام زخمیوں کو ریسکیو1122ننکانہ کے عملہ نے طبی امداد دینے کے بعد سرکاری ہسپتالوں میں منتقل کر دیا۔
