پیرس ( اے کے راؤ ) پیرس میں امن کانفرنس سے خطاب کرتے ہوئے چیرمین سپریم کونسل تحریک منہاج القرآن ڈاکٹر حسن محی الدین نے کہا کہ عالم میں امن کے لیے بھائی چارے کا فروغ اشد ضروری ہے۔ ان کا کہنا تھا کہ انتہا پسندی اور دہشت گردی دنیا کا بہت بڑا مسئلہ ہے ، اس سے نبر آزما ہونے کے لیے آپس میں بھائی چارے کو فروغ دینا ہوگا۔ ان کایہ بھی کہنا تھا کہ آپ جس سوسائٹی میں بھی رہیں ان کے اقدار کا خیال رکھ کر ہی امن کو فروغ دے سکتے ہیں۔
ڈاکٹر حسن محی الدین نے کہا کہ منہاج القرآن اپنے قائد ڈاکٹر طاہرالقادری کی قیادت میں انتہا پسندی اور دہشت گردی کے خاتمہ کے لئے انسانیت کی خدمت کر رہی ہے ۔ انہوں نے کہا کہ ڈاکٹر قادری کا قرآن و سنت کی روشنی میں انتہا پسندی کے خاتمہ کے لئے تحقیقاتی کام اسلام کے چہرے پر لگائے جانے والے دہشت گردی کے داغ کو صاف کر رہا ہے۔
ان کا کہنا تھاکہ ڈاکٹر طاہرالقادری عالم اسلام کی وہ واحد شخصیت ہیں جنہوں نے تعلیمی اداروں میں فروغ امن نصاب پڑھائے جانے کی آواز بلند کی، نہ صرف آواز بلند کی بلکہ فروغ امن کا نصاب بھی مرتب کر دیا ہے۔ اب ہر زہ شعور کو چاہیے چاہیے کہ وہ ڈاکٹر طاہرالقادری کی اس فکر کو لوگوں تک پہنچانے کیلئے اپنا کردار ادا کرے۔
