برازیلیا…..والٹ ڈزنی ورلڈ نے اپنی کامیابیوں کے 60سال مکمل ہونے کی خوشی میں برازیلین ایئر لائن کے اشتراک سے ڈزنی ٹھیم جہاز پینٹ کیا ہے جس نے فضاؤں میں پرواز کر کے ثابت کر دیا ہے کہ ڈزنی کا جادو آج بھی شائقین کے سر چڑھ کر بولتا ہے۔
برازیل کی ایئر لائنTAMاور ڈزنی نے مسافر طیارے بوئنگ767-300کو کئی دن کی محنت کے بعد دلچسپ روپ دے ڈالا ہے ۔مکی ماؤس ، ڈونلڈ ڈک اور سینڈریلا کے دلکش کاسل سمیت کئی کردار مسافروں طیارے پر پینٹ کئے گئے ہیں جودرجنوں ورکرز نے ایک ہفتے تک مسلسل آٹھ گھنٹوں تک کڑی محنت کے بعد تیار کیا ہے۔اس طیارے میں پائلٹس، فلائٹ اٹنڈینٹس، ایئر کرافٹ انجینئر، مارشل ، مسافروں اوربیگج ہینڈلرزکے ڈزنی کرداروں کے روپ میں ایئر پورٹ لاوئنج اورچیکنگ کاؤنٹر پر دکھائی دینگے۔ڈزنی کرداروں سے جُڑی اشیاء کوطیارے میں دئیے گئے کھانے اور چائے میں بھی نمایاں رکھا گیا ہے جبکہ کپ، پلیٹس، چمچوں، بیگز، سِیٹ کورز او ر چمچوں میں بھی مکی ماؤس، منی ماؤس، ڈونلڈ ڈک اور سینڈریلا کی جھلک دکھائی دے رہی ہے۔اس ڈزنی جہاز میں221مسافروں کے بیٹھنے کی گنجائش موجود ہے جو پہلا لاطینی امریکی جہاز بھی ہے جسے اس انوکھی تھیم میں رنگ کر لوگوں کی توجہ کا مرکز بنایاگیا ہے
