کرائسٹ چرچ…….کرائسٹ چرچ ٹیسٹ کے دوسرے روز جو برنز اور اسٹیو اسمتھ کی شاندار سنچریز کی بدولت آسٹریلیا نے نیوزی لینڈ کے خلاف پہلی اننگز میں چار وکٹ پر 363 رنز بنالئے۔
ٹیسٹ کے دوسرے روز آسٹریلیا نے اپنی اننگز کا آغاز 57 رنز ایک وکٹ سے کیا تو دس رنز کے اضافے سے آسٹریلیا کو عثمان خواجہ کی وکٹ کا نقصان اٹھانا پڑاجو 24 رنز بنا کر آئوٹ ہوئے۔عثمان کے آئوٹ ہوجانے کے بعد جو برنز اور اسٹیو اسمتھ نے کیوی بولرز کو خوب پریشان کیا اور دونوں نے سینچری اسکور کرتے ہوئے آسٹریلیا کو مضبوط پوزیشن میں لاکھڑا کیا ہے ۔آسٹریلیا کا اسکور جب 356 رنز پر پہنچا تو جو برنز 170 رنز بنا کر آؤٹ ہوگئے ۔ان کے فورا بعد ہی اسٹیون اسمتھ بھی 137 رنز بنا کر پویلین لوٹ گئے۔دن کے اختتام پرمہمان ٹیم نے 4 وکٹ پر 363 رنز بنالئے تھے اور اسے نیوزی لینڈ کی پہلی اننگز 370 رنز کا خسارہ پورا کرنے کے لئے ابھی مزید 7 رنز درکار ہیں۔
