پاکستان سپر لیگ میں آج بھی دو میچز کھیلے جائیں گے

شارجہ …….پاکستان سپر لیگ میںآج بھی دو میچز کھیلے جائیں گے، اسلام آباد یونائٹیڈ کا سامنا کراچی کنگزجبکہ پشاور زلمی اور کوئٹہ گلیڈ ئیٹرزآمنے سامنے ہوں گے۔
شارجہ کے میدان میںآج پہلا میچ مصباح الحق کی اسلام آباد یونائیٹڈ اور شعیب ملک کی کراچی کنگز کے درمیان کھیلا جائے گا۔اسلام آباد کی ٹیم نے اب تک چھ میچز کھیلے ہیں اور اسے صرف دو میں کامیابی ملی ہے، پوائنٹس ٹیبل پر اس کی پوزیشن چوتھی ہے۔کراچی کنگز کے حالات بھی کچھ اچھے نہیں ، چھ میچز کے بعد شعیب ملک الیون کے بھی چار پوائنٹس ہیں ۔کیوں کہ کامیابی صرف دو بار ہی ان کے کھاتے میں آئی ہے۔ دونوں ٹیموں کے درمیان میچ شام ساڑھے چار بجے شروع ہوگا۔دن کا دوسرا بڑا میچ آفریدی الیون یعنی پشاور زلمی اور سرفراز اینڈ کمپنی یعنی کوئٹہ گلیڈئیٹرز کے درمیان کھیلا جائےگا۔رفرازاحمد کی کوئٹہ گلیڈئیٹر نے اپنی جاندار پرفارمنس سے سب کو حیران کرڈالا ہے ، جو چھ میں سے پانچ میچز جیت کر پہلے نمبر پر ہے، جبکہ آفریدی کی زلمی چار کامیابیوں کے ساتھ پوائنٹس ٹیبل پر دوسرے نمبر پر موجود ہے۔دونوں ٹیموں کے درمیان میچ رات 9 بجے کھیلا جائےگا، جیو سوپر تمام میچزبراہ راست ٹیلی کاسٹ کرے گا۔