لالہ موسیٰ (جمیل احمدطاہر) امیرجماعت اسلامی ضلع گجرات ڈاکٹر طارق سلیم کا یوسی گنجہ کادور، ا میر زون 112چوہدری عرفان احمد صفی اور نائب امیر سیّد حارث احسان ہمراہ ۔ مسجد الرحمت گنجہ میں ارکان جماعت کا اہم اجلاس ۔ امیر یوسی نعیم گوندل کی مشاورت سے عدنان سعید کوصدر یوسی جماعت اسلامی یوتھ ونگ اور عمران مغل ایڈووکیٹ صدریوسی الخدمت فاؤنڈیشن مقرر ۔ تفصیلات کے مطابق گنجہ میں بعد نماز مغرب الرحمت مسجد گنجہ میں ارکان جماعت اسلامی کااہم اجلاس منعقد ہواجس کی صدارت امیرضلع جماعت اسلامی ڈاکٹر طارق سلیم نے کی ۔ امیر زون112، نائب امیرزون112سیّد حارث احسان اور قیم زون شہزاد اصغر مغل بھی اجلاس میں شریک ہوئے۔ امیر یوسی کی مشاورت اور ارکان کے اتفاق رائے سے عدنان سعید کوصدر جماعت اسلامی یوتھ ونگ یوسی گنجہ مقرر کردیاگیاجبکہ یوسی گنجہ میں عمران مغل ایڈووکیٹ کو صدر الخدمت فاؤنڈیشن مقرر ہوئے۔مزید برآں جماعت کے ناظمین میں محمد وارث مغل گنجہ، قیصر نوید چک اخلاص، ڈاکٹر سلیمان جٹاریہ ڈلہ رجادی ، ڈاکٹر خالد محمود، عبدالماجد اورارشد بٹ شاہ سرمست جماعت کے ناظم مقرر کئے گئے ہیں۔
