کینبرا ……چوتھے ون ڈے میںآسٹریلیا نے بھارت کو سنسنی خیز مقابلے کے بعد 25 رنز سے ہراکر سیریز میں چار صفر کی ناقابل شکست برتری حاصل کرلی۔
کینبرا میں کھیلے گئے چوتھے ون ڈے میں آسٹریلیا نے ٹاس جیت کر بیٹنگ کا فیصلہ کیا ۔ایرون فنچ کی شاندار سنچری اور ڈیوڈ وارنر کی جاندار بیٹنگ کی بدولت آسٹریلیا نے 50اوورز میں 348 رنز کا ہدف دیا۔
ایرون فنچ نے 107 اور ڈیوڈ وارنر نے 93 رنز اسکور کئے،اشانت شرما نے چار وکٹیں حاصل کیں۔جواب میں بھارت کی پہلی وکٹ تو 65 رنز پر ہی گری،لیکن اس کے بعد شیکھر دھون اور ویرات کوہلی کی دھواں دار بیٹنگ نے آسٹریلوی بولرز کو پریشان کرڈالا ،دونو ں نے سنچری اسکور کی اور ٹیم کا اسکور 277 رنز پر پہنچادیا۔
شیکھر دھون 126 رنز بنا کر آؤٹ ہوئے جس کے بعدبھارتی بیٹسمینوں کی ایسی لائن لگی کہ سب وکٹ پر ٹکنا ہی بھول گئے،پوری ٹیم 49اعشاریہ2 اوورز میں 323 رنز پر ڈریسنگ روم لوٹ گئی ۔کین رچرڈ سن نے 5،جان ہیسٹنگ اور مچل مارش نے دو دو کھلاڑیوں کو آؤٹ کیا ۔پانچ میچز کی سیریز میں آسٹریلیا کو چار صفر کی ناقابل شکست برتری حاصل ہوگئی ہے۔
