شارجہ……افغانستا ن اور زمبابوے کے درمیان 5ون ڈے میچز کی سیریز کا تیسرا میچ آج کھیلا جائے گا،افغانستان کو سیریز میں دو صفر کی برتری حاصل ہے،میچ جیوسوپر سے براہ راست دکھایا جائےگا۔
شارجہ میں کھیلے جانے والے تیسرے ون ڈے کےلئے دونوں سائیڈ بھرپور تیاریاں کررہی ہیں،پہلے دو ون ڈے میں ناکامی کے بعد زمبابوے کی ٹیم دباؤ کا شکار ہے ،زمبابوے کی ٹیم میں دو سے تین تبدیلیوں کا امکا ن ہے ۔دوسری جانب وننگ ٹریک پر موجود افغانستان کی ٹیم فاتح لائن اپ کے ساتھ ہی میدان میں اترے گی ،دونوں ٹیموں کے درمیان میچ پاکستانی وقت کے مطابق شام 4بجے شروع ہوگا۔
