ماسکو…….دنیا بھرکی طرح روس میں بھی سالِ نو کو شاندار انداز میں خوش آمدیدکہا گیا ،اسی حوالے سے ماسکو کو دلہن کی طرح سجا دیا گیا اور لوگوں کی بڑی تعداد نے نیو ایئر پارٹی میں شرکت کی۔شہر بھر کے مختلف مقامات پر دلچسپ اور منفرد سجاوٹی انداز اپنائے لائیٹس فیسٹیول توجہ کا مرکز بنے ہوئے ہیں اورہزاروں روشنیاں بھی اپنی آب و تاب لئے دیکھنے والوں کو مبہوت کر رہے ہیں۔ اس تقریب اور جشن کی عکسبندی ڈرون کیمرے کی آنکھ سے کی گئی اور ایسے دلکش و حسین مناظر ریکارڈ ہوئے کہ دیکھنے والے وڈیو دیکھ کر دنگ نظر آئے۔
