آئرلینڈ (فرخ وسیم بٹ) ربیع الاول کی آمد ہوتے ہی مسرتوں اور خوشیوں کا ایک سیل رواں شہر شہر گاؤں گاؤں بستی بستی امڈ آتا ہے اور اہل ایمان قریہ قریہ بے ساختگی اور وارفتگی کے عالم میں محافل میلاد اور جلسے جلوس کی صورت میں اپنے محبوب نبی سے اپنی قلبی محبت و عقیدت کا اظہار کرتے ہیں اسی قلبی محبت و عقیدت کا اظہار کرنے لیلئے آئرلینڈ کے شہر اتھلون کے اسلامک سنٹر میں عشاقان مصطفیٰ نے ایک عظیم و الشان محفل میلاد کا انعقاد کیا جس میں تحریک منہاج القرآن آئرلینڈ کے ایگزیکیٹو عہدیداران اور کارکنان کے علاوہ آئرلینڈ کے دور دراز شہروں سے عشاقان مصطفیٰ اور مقامی لوگوں نے کثیر تعداد میں شرکت کی۔
