کھاریاں(نیئر صدیقی سے) سی پی ایل سی کے ممبران کا مشاورتی اجلاس چیئرمین چوہدری اختر علی چھوکر کلاں کی رہائش گاہ میں منعقد ہوا۔اجلاس میں سی پی ایل سی ہسپتال کے قیام کیلئے تفصیلاً غور و غوض کیا گیا اور سی پی ایل سی میں ممبر شپ حاصل کرنیوالوں کیلئے اگلے ماہ جنوری میں ممبرشپ کھولنے کا فیصلہ کیاگیا تا کہ سی پی ایل سی کے ہسپتال اور شہریوں کی ویلفیئر کیلئے باصلاحیت اور سی پی ایل سی کے رولز پر پورا اُترنے والے افراد کو ممبر شپ دی جائے۔ گزشتہ روز چیئرمین سی پی ایل سی چوہدری اختر علی آف چھوکر کلاں کی دعوت پر سی پی ایل سی کے ممبران کا اہم مشاورتی اجلاس چھوکر کلاں میں چوہدری اختر علی کی رہائش گاہ پر منعقد ہوا۔ اجلاس میں سی اپی ایل سی کے نام پر ویلفیئر ہسپتال کے قیام اور ممبران کے وقار کے تحفظ کیلئے محکمہ پولیس اور ممبران کے درمیان رابطہ رکھنے کیلئے لائحہ عمل بنایا گیا اجلاس میں چیئرمین چوہدری اختر علی آف چھوکر کلاں نے کہا کہ سٹیزن پولیس لائزن کمیٹی کے تمام ممبران کے حقوق اور وقار کا تحفظ چیئرمین سی پی ایل سی کی ذمہ داری ہے جس کو میں انشاء اللہ احسن طریقہ سے پورا کرونگا۔ اُنہوں نے کہا کہ ممبران کو بھی چاہیے کہ اپنی مقامی SHOاور پولیس ملازمین کے ساتھ جرائم کو روکنے اور شہریوں اور پولیس کے درمیان اعتماد کو بحال کرنے کیلئے پل کا کردار ادا کریں۔ چوہدری اختر علی آف چھوکر کلاں نے کہا کہ DPOگجرات رائے ضمیر الحق سی پی ایل سی کے تعاون اور ضلع گجرات کے مخیر شہریوں کے تعاون سے گجرات میں ویلفیئر ہسپتال بنانا چاہتے ہیں جس کیلئے سی پی ایل سی تمام تر توانائیاں لگانے کا اعلان کرتی ہے تا کہ شہریوں اور پولیس ملازمین کیلئے معیاری ہسپتال بن سکے لیکن ہسپتال کے قیام سے پہلے ممبران سی پی ایل سی کا اعتماد میرے لئے حاصل کرنا ضروری ہے جس پر اکثریت رائے سے اجلاس میں شریک ممبران نے چیئرمین سی پی ایل سی کو اعتماد دلایا کہ سی پی ایل سی ہسپتال کیلئے ہم خود بھی اور دوست احباب سے مالی تعاون کروائینگے۔ اجلاس میں وائس چیئرمین الحاج امجد فاروق نے کہا کہ سی پی ایل سی جلد ہی DPOرائے ضمیر الحق اور شہریوں کے درمیان بہتر رابطے کا کردار ادا کرنے کیلئے ضلع گجرات کے مخیر حضرات اور سی پی ایل سی کے ممبران کے اعزاز میں پروقار ظہرانے کا انتظام کریں گے جس میں DPOگجرات ہسپتال کے قیام کے بارے میں شہریوں کو اپنے لائحہ عمل سے آگاہ کرینگے چوہدری اشرف گاگھڑی نے کہا کہ پولیس لائن گجرات میں بننے والے ہسپتال کا نام CPLCہسپتال رکھا جائے اور ہسپتال کو چلانے کیلئے سی پی ایل سی کے ممبران پر مشتمل بورڈ آف گورنر بنایا جائے۔اجلاس میں ملک شہباز احمد، لیاقت علی قادری ، چوہدری افتخار احمد، محمدجاوید بٹ، چوہدری نعمان اکمل، الحاج محمدصادق بٹ، راجہ محمدجمیل موہری شریف نے بھی اپنی تجاویز پیش کی اور چیئرمین سی پی ایل سی چوہدری اختر علی کی قیادت پر بھرپور اعتماد کا اظہار کیا۔اجلاس میں شرکت کرنیوالوں میں چوہدری اللہ دتہ آف سانتھل، عابد فاروق، چوہدری محمداشرف گاگھڑی، الحاج محمدصادق بٹ، چوہدری افتخار احمد معروف، ملک شہباز احمد، لیاقت علی قادری، ملک امجد علی، توصیف حیدر، سرفراز احمدایڈووکیٹ، چوہدری اخترامرہ کلاں، نعمان اکبر منگووال، چوہدری محمداعظم منگووال، محمدجاوید بٹ، سینئر نائب صدر گجرات چیمبر آف کامرس چوہدری وحید الدین، چیئرمین خواص پور چوہدری تنویر اشرف، چوہدری قاسم علی آف چھوکر کلاں نے شرکت کی۔ اجلاس کے بعد چیئرمین سی پی ایل سی چوہدری اختر علی کی طرف ممبران سی پی ایل سی اور علاقہ کے معززین کے اعزاز میں پروقار ظہرانہ دیا گیا اور APSسکول پشاور کے شہداء کے لئے دُعائے مغفرت کی گئی
