اسلام آباد: چار ٹارگٹ کلرز گرفتار، متعدد وارداتوں کا اعتراف

اسلام آباد سے چار ٹارگٹ کلرز گرفتار کر لئے گئے تعلق کراچی کی ایک سیاسی جماعت سے ہے۔ ملزموں نے ٹارگٹ کلنگ سمیت کراچی اور اسلام آباد میں ڈکیتی کی متعدد وارداتوں کا اعتراف کر لیا۔
اسلام آباد: (یس اُردو) اسلام آباد پولیس نے کارروائی کے دوران چار ٹارگٹ کلرز کو گرفتار کیا ۔ ملزموں میں ثمر، عبداللہ اور ان کے دیگر دو ساتھی شامل ہیں۔ پولیس کے مطابق ابتدائی تفتیش میں ملزموں نے ٹارگٹ کلنگ سمیت کراچی اور اسلام آباد میں ڈکیتی کی متعدد وارداتوں کا اعتراف کر لیا ہے جبکہ وہ ڈکیتی اور بھتے کی رقم اکٹھی کر کے کراچی کی سیاسی جماعت کے ہیڈ آفس میں جمع کراتے تھے۔