کراچی میں رینجرز کے خصوصی اختیارات ، وزیر اعظم کی زیر صدارت اہم اجلاس جاری

اجلاس میں چیف آف آرمی اسٹاف جنرل راحیل شریف، کور کمانڈر، ڈی جی آئی ایس آئی ،کور کمانڈر، گورنرسندھ اور وزیر اعلیٰ سندھ شریک ہیں
کراچی (یس اُردو ) گورنر ہائوس کراچی میں وزیر اعظم نواز شریف کی صدارت میں امن و امان کا اجلاس جاری ہے ، اجلاس میں چیف آف آرمی سٹاف جنرل راحیل شریف ، کور کمانڈر ، ڈی جی آئی ایس آئی ، کور کمانڈر ، گورنر سندھ اور وزیر اعلیٰ سندھ شریک ہیں ۔ وزیر اعظم پاکستان میاں محمد نواز شریف کی صدارت میں گورنر ہائوس کراچی میں اجلاس جاری ہے ۔ اجلاس میں چیف آف آرمی سٹاف جنرل راحیل شریف ، کور کمانڈر ، ڈی جی آئی ایس آئی ، ڈی جی رینجرز ، گورنر سندھ ، وزیر اعلیٰ سندھ ، وزیر دفاع اور وفاقی وزیر داخلہ بھی شریک ہیں ۔ دوسری جانب وزیر اعظم میاں نواز شریف نے گورنر سندھ اور وزیر اعلیٰ سندھ سے گورنر ہائوس میں ملاقات کی ۔ ملاقات میں مختلف امور پر بات چیت ہوئی ۔ وزیر اعظم کو دونوں رہنمائوں نے امن و امان کی صورتحال اور ٹارگٹڈ آپریشن کے حوالے سے آگاہ کیا ۔ ذرائع کا کہنا ہے کہ وزیرا علیٰ سندھ نے آپریشن پر اپنے تحفظات اور وفاقی حکومت کی جانب سے فنڈز کے اجرا کے معاملے پر بات چیت کی ۔ گورنر سندھ نے بلدیاتی الیکشن کے پرامن انعقاد اور سیکورٹی کی صورتحال سے وزیر اعظم کو آگاہ کیا ۔ دوسری جانب وفاقی وزیر داخلہ چوہدری نثار نے گورنر ہائوس میں مختلف تفتیشی اور حکام سے ملاقات کی ، ملاقات میں وزیر داخلہ کو مختلف اہم مقدمات اور تفتیش کے متعلق رپورٹ پیش کی ۔ اس سے قبل آرمی چیف جنرل راحیل شریف کور ہیڈ کوارٹرز گئے جہاں انہوں نے کور کمانڈر میجر جنرل نوید مختار اور ڈی جی آئی ایس آئی سے ملاقات کی